شقاوة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى شقاوة لجميع الاشقياء

 
الرئيسيةالرئيسية  البوابةالبوابة  التسجيلالتسجيل  دخولدخول    

 

 رباعيات جاهين (2)

اذهب الى الأسفل 
كاتب الموضوعرسالة
البنت الشقية
مؤسس المنتدى
مؤسس المنتدى
البنت الشقية

عدد الرسائل : 323
السٌّمعَة : 6
نقاط : 1281
تاريخ التسجيل : 22/05/2008

رباعيات جاهين (2) Empty
مُساهمةموضوع: رباعيات جاهين (2)   رباعيات جاهين (2) I_icon_minitimeالأربعاء مارس 16, 2011 3:41 am

مع ان كل الناس من اصل طين
وكلهم بينزلوا مغمضين
بعد الدقايق والشهور والسنين
تلاقى ناس اشرار وناس طيبين

عجبى عليك عجبىعليك يا زمن
يا ابو البدع يا مبكى عينى دوما
ازاى انا اختار لروحى طريق
وانا اللى داخل فى الحياة مرغما

مرغم عليك يا صبح مغضوب يا ليل
لا دخلتها برجليا ولا كانلى ميل
شايلنى شيل دخلت انا فى الحياة
وبكره هخرج منها شايلنى شيل

سنوات وفايتة عليا فوج بعد فوج
واحدة خدتنى ابن والتانية زوج
والتالتة اب خدتنة والرابعة ايه
ايه يعمل اللى بيحدفه موج لموج

وانا فى الضلام من غير شعاع يهتكه
اقف مكانى بخوف ولا اتركه
ولما ييجى النور واشوف الدروب
احتار زيادة واقول ايهم اسلكه

نظرت فى الملكوت كتير وانشغلت
وبكل كلمة ليه وعشان ايه سألت
اسال سؤال الرد يرجع سؤال
واخرج وحيرتى اشد مما دخلت

خرج ابن ادم من العدم قلت ياه
رجع ابن ادم من العدم قلت ياه
تراب بيحيا وحى بيصير تراب
الاصل هو الموت ولا الحياة؟

ضريح رخام فيه السعد اندفن
وحفرة فيها شريد من غير كفن
مريت عليهم قلت يا للعجب
لاتنين ريحتهم فيها نفس العفن

ياما صادفت صحاب وما صاحبتهمش
وكاسات خمور وشراب مشربتهمش
اندم على الفرص اللى اناسبتهم
ولا على الفرص اللى انا مسبتهمش

والكون ده كيف موجود من غير حدود
وفيه عقارب ليه وتعابين و دود
عالم مجرب فات وقال سلامات
ده ياما فيه سؤالات من غير ردود.


وعجبى
!!
الرجوع الى أعلى الصفحة اذهب الى الأسفل
 
رباعيات جاهين (2)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شقاوة :: شقاوة العامة :: شقاوة الشعر-
انتقل الى: