طريقة عمل الجمبرى بالصوص , افضل طريقة لعمل جمبرى لذيذ

طريقة عمل الجمبرى بالصوص , افضل طريقة لعمل جمبرى لذيذ
النهارده لاقيت نفسى مفتوحه اوى فقلت اجهز افضل اكله بحبها و هى اكلة الجمبرى و انا بموت فى الجمبرى بكل طرق عمل الجمبرى المختلفه
و دى بقى يا حبوبات طريقة عمل الجمبرى بالخلطة السحرية اللى عملتها بيها النهارده و طلع يجنن موت و الصوص كان يجنن لدرجة انى اكلت اكلمأكلتوش قبل كده و الحمد لله بالهنا و الشفا عليا




اولا مقادير عمل الجمبرى بالصوص
1- كيلو جمبري و يفضل حجم كبير او وسط
2- بصلة كبيرة مقطعة شرائح رفيعه
3- 2 قرن فلفل اخضر او رومي مقطع شرائح
4- 3 فصوص ثوم كبيرة مقطعه او مفرومه
5- ملح حسب الكميه اللى تحبيها لو بتحبى ملف كتير او خفيف
6- ملعقة صغيرة كمون + 2 حبات ليمون + ملعقة كبيرة زيت ذرة او زيت زيتون او عادى
7- بقدونس مقطع شرائح بأى كمية تحبيها


ثانيا كيفية تحضير الجمبرى اللذيذ :

اولا ننظف الجمبرى و نقشره بأيدنا و هو تقشيره سهل مش متعب
بعد التنظيف و التقشير يغسل الجمبرى جيدا بالماء و يصفى الماء و تتكرر العمليه الى ان ينضف الجمبرى كويس
بعد التنظيف نرش شوية ملح على الجمبرى و نعصر عليه نص ليمونه و نتركه فى طبق او صينيه لمدة 10 دقائق
بعدها نجهز اناء و نحط فيها المقادير كلها + نضيف على المقادير كلها الجمبرى + عصير ليمونه و نضع كل الخليط فى الحله و نضيف نص كوب ماء و نضعها على النار لمدة ربع ساعه و تغطى الاناء او الحله كويس و بعد ربع ساعه هتتذوقى احلى طعم فى الدنيا و هيطلع صوص يجنن و الجمبرى نفسه هيكون طعمه جنان و اللى تجرب منكم تقولى رأيها و بجد هتدمنو الطريقه دى فى عمل الجمبرى