دراسة وتحليل لخطاب العميل ؟؟؟؟!!!!

دراسة وتحليل لخطاب العميل ؟؟؟؟!!!!
ملاحظة : الكلام عامية وفصحى لانه بنفس اسلوبه وخطابه اليوم
ابد ي ارد عليك من بداية خطبتك وكلك تدعوا لدولة كريمة تعز بها الاسلام واهلهه وتذل بها النفاق واهله :
هسه خل نجي نشوف منو المنافق وندعوا كلنا عليه معك خوش حجي :
وردفي حديث النبوي الشريف اية المنافق ثلاثإذا حدث كذب وإذا وعد أخلف وإذا
اؤتمن خان( ونتة حبيبي كذبت مئات المرات واليوم هم كذبت كول لا سبحان
الله, ووعدت الشعب واتباعك سنة 2004 بتحرير العراق وبعدين اهداء النجف على
طبق من ذهب للسيستاني وبعدين وعدت الشعب بعدم معاونة الحكومة واسنادها
لانها حبيبي امتداد وصنيعة المحتل وبعد هم وعدت بالدفاع عن الصدريين وعدم
السماح باعتقالهم وعدم ترك العراق ووووو....الخ وكلهن اخلفت بيهن ها حبيبي
كول لا سبحان الله,
واما الخيانة الناس والعراقيين واتباعك امنوك على دمائهم واعراضهم
واموالهم وخيراتهم وايضا امنوك على اموال الخمس والزكاة والحقوق الشرعية
الي يدفعوهه لماكاتبك وتصل الك وامنوك ايضا على تبرعاتهم لبناء سامراء الي
كلت للشعب تبرعوا علمود نبنيهم ووووو........الخ وكلهن خنتهن وخنت الامانة
بيهن حبيبي كول لا سبحان الله.
وهسة انت واحنه والقارئ عرف منو المنافق والنفاق واهله يعني انت تدعوا على نفسك وعلى اتباعك ومؤيديك اللهم امين يارب العالمين,
وانوب تلطع على الحسين زين هم اجينه وياك انت شنو قائد لو رادود زين
ميخالف تريدهم يردون وراك صح وانت تقراها غلط شلون هاي رهمته ماتكلي
؟؟؟؟؟؟؟؟!!!!!!!!!!,مو مشكلة نمشيها هاي وي خواتها القديمات ؟؟؟
زين تريد تخطب وتحجي فصحة زين ميخالف تدبرها غير وتحفظ الحجي والخطبة
شوكلمة فصحة وكلمه عامية ولك شنو لفة مشكل هية, زين تكول الاخبار عاد
للعراق بعد ان اكمل دراسته الحوزوية زين خل نشوف هذا الحجي صدك لو جذب اول
درس بالحوزة وبالدارسة الابتدائية هو اللغة العربية خوش يعني من يتخرج
الطالب بالحوزة او الاكاديمية يكون ضابط اللغة العربية صح شو انت اليوم
تنصب المرفوع وترفع المنصوب وتأنث المذكر وتذكر المؤنث زين هية خطبة نص
ساعة وكلها اخطاء املائية والقائية ومادبرته لعد شلون راح تدبر مسؤولية
تحرير العراق وتحرير اتباعك من السجن وتقديم الخدمات للشعب والله مادري
اعتقد انت درس ونجحت باللغة الفارسية ونسيت العربية حبيبي كول لا سبحان
الله,
زين تكول نريد نخرج المحتل خوش حجي تمام بس شلون ووين ويمته هاكلي ؟؟؟
موهاي السالفة انت كلته قبل 6 سنوات وجذبت وبالعكس سويت زين انت واتباعك
السياسيين مو كلت احنة نرفض ورافضين الاتفاقية الامنية وسويتوا بوكته
فبركه اعلامية لخداع الناس زين شو اليوم تكول الحكومة وعدتنة بخروج المحتل
حسب الاتفاقية الامنية يعني انته اولا راضي بالاتفاقية وثانيا ياحكومة هاي
الوعدتك غير انت حكومة هسة وانت شكلتها بيدك وبرضاك ؟؟؟؟!!!!
زين انت قريت الاتفاقية لوماقريتها وتحجي بوحدك اذا قريته ومغلس فهاي
مصيبة واذا ماقريته المصيبة اعظم واكبر المهم بالاتفاقية فقرة تكول القوات
الامريكية تخرج من العراق نهاية 2011 وتبقى قواعد عسكرية ثابته مهمتها
الدعم والاسناد والتدريب خوش وبعد شنو وفقره ثانية تكول تبقى القوات
الامريكية المقاتلة في العراق اذا طلبت الحكومة العراقية ذلك هسة شلونهه
هاي تمام يعني الجماعة بالحالتين باقيين بالقواعد وبطلب من الحكومة الي
انت شكلتها وسويتها هية ها الحكومة الي تكول وعدتنة بخروج المحتل هية
نفسها راح تطلب بقاء المحتل لدوافع امنية وسياسية يعني حبيبي انت هالمرة
تطلب وتطالب ببقاء المحتل بس هااااااااااااااااا بطريقة مخابارتية ذكية
وتمشيها بس على عصاباتك الاجرامية وتضحك بيه عليهم بس حبيبي كول لا سبحان
الله,
زين فاقد الشيء لايعطيه تريد تحرر العراق ونتة ما محرر روحك من الايرانيين
ولا محرر ربعك من السجون وبعدين الاقوال تخالف الافعال تريد تحرر العراق
ونتة اليوم محتل اربع مناطق بالنجف انت وزمرتك وصاعدين فوق البيوت والمحال
والجوامع شلون رهمتوهها هاي زين مو النبي وصة بسابع جار واحترام الجار
وعدم هتك حرمته وازعاجه واحراجه لعد وين التطبيق منكم ماادري ما كو جوامع
تلمكم مسجد الكوفة غيره بقاعة جبيرة بساحة مفتوحة صحراء تلمكم وتطمكم
وتخلصة من شركم بس الله يريد يفضحك ويعريك كدام اتباعك والعراقيين والعالم
كلة عبر الفضائيات واستلم هسة الفضايح والتعليقات جايتك حبيبي لو صح
التعبير ها كول لا سبحان الله,
زين تكول اليوم ننطي الفرصة للحكومة تقدم الخدمات ليش هوة منو منعهه تقدم
الخدمات قبل يعني انت تعترف بشغلتين اولا الحكومة ماقدمت خدمات وهاي حقيقة
واقعة وانت طرف اساسي بيها يعني انت وكتلتك السياسية ماقدمتوا خدمات يعني
انت جذاب قبل وهسة وثانيا انت تعترف انه انت وعصاباتك جنت تعرقل عمل
الحكومة عن تقديم الخدمات بسبب نفوذ مليشياتك وصراع الحكومة مع المليشيات
مالتك وهاي هم مردودة عليك ؟؟؟؟!!!! يعني هسة نكدر نكول انه انت جذاب
وتصدك جذبك وتخلي انصارك يصدكوها مثلك هاااااااا؟؟؟!!!!!لو صح التعبير
حبيبي كول لا,
نجي انوب للهتافات الرنانة كلا كلا امريكا وهاي جذبة بيناها فوك يعني تصير
نعم نعم امريكا ونوب تكلهم خلي نضوج المحتل زين احنة بالمجتمع عدنة الصديق
من يريد يضوج صديقة يحجي عليه كدامة يعني بالشقة او متفق وياه خوش ونتة
هسة تريد تضوج المحتل يعني انت صديقه مثل ماوضحنه فوق وانت متفق وياه
بالسر وهاي الواقفة تحتك كلهم مخدوعين ويهتفون الك حبيبي لو صح التعبير
كول لا سبحان الله؟؟؟؟!!!!!!!
زين انت اليوم تطالب بعده امور خروج المحتل واعطاء الفرصة للحكومة لتقديم
الخدمات واخراج المعتقلين زين جا كلي بروح ابوك شنو المطالب الي حصلت
عليها لترشيح المالكي من جديد يعني شنو مكاسبك ومكاسب تيارك بالاتفاق
الجديد اذا انت تطالب بخروج المحتل واعطاء الفرصة للحكومة لتقديم الخدمات
واخراج المعتقلين جا لعد على شنو اتفقت وي المالكي ورشحته من جديد هااااا
كلي ؟؟؟!!!
ماعدك جواب ولاتفسير لهاي لاانتة ولاانصارك غير اتفاقكم على اغلاق ملف
قضية اغتيال عبد المجيد الخوئي والغاء امر القاضي بأعتقالك الي من وراها
شردت لايران وهسة امنت على نفسك بالاتفاق الجديد واجيت نافخ روحك وفاتح
عضلاتك علينة ,
تطالب بعدم حمل السلاح ضد المحتل والحكومة وبنفس الوقت تدعم المقاومة
المسلحة زين شلون تدعم المقاومة وتريد انصارك مايحاربون المحتل ؟؟؟؟!!!!!
ولايحملون السلاح سؤال للجماهير الهاتفة تحتك خلي يجاوبون ,
زين اريد اعرف انت مو رحت تدرس زين ماشي خنشوف هذا الحجي صدك لو جذب انت
كلت قبل 5 سنوات طالب البحث الخارج 15 سنة يحتاج حتى يصبح مجتهد زين انت
درست بأيران اربع سنوات شلون صرت مجتهد لان الاخبار تكول بعد ان اكمل
دراسته يعني خلصت ونجحت تمام يعني انت مجتهد شلون ويمته وين محد يدري زين
شنو هاي الصدفة برجعتك بنفس اليوم زيارة وزير الخارجية الايراني للعراق
ويمكن بنفس الطيارة هم زين وشمعنة خلصت دراستك بهذا اليوم بالذات زين
شمعنة دراستك خلصت بعد تشكيل الحكومة واتفاقك مع المالكي وليش الوزير
الايراني زار العلماء ونتة بعده بيوم زرتهم بالسر كل هاي صدفة او صدف
حبيبي لو صح التعبير كول لا سبحان الله واخيرا ماكول غير انا لله وانا
اليه راجعون فضحت نفسك وفضحت اتباعك وياك .